Apirilak 22

Museo biziak plataforman sartu gara gaur. Oraindik sartu gabe zeudenak bertan izena emateko aukera izan dute eta ondoren egin beharreko lanari buruzko argibideak eman dizkigu irakasleak.

Zigor eta ni teknologia berriak ikasgaiko ikasleak izateaz gain, plastikako ikasleak ere bagara. Estitxu eta Joxemi proiektu honetan batera daudenez, bi ikasgaiak batzeko aukera eman digute eta ondorioz, bi ikasgaietan proiektu berbera landuko dugu: euskal emakumeen identitatea XXI. mendean.

Nahiz eta gaia ezagutzen dugun, nondik norakoak definitu behar ditugu oraindik. Zer da lortu nahi duguna? pentsatzen hasi beharra dugu, gaia mugatzearren.

Beraz, bi ikasgaietan proiektu berbera garatuko dugu, baina bakoitzean zeregin ezberdinak izango ditugu. Hau da, plastikan arlo artistikoan zentratuko gara eta teknologia berriaken aldiz, arlo teknologikoan.